كتير عايزين تليفون تامر
كتير نفسهم يكلموة
يسمعوا صوتة
يبقوا صحابة
يصبحوا ويمسوا علية
يطمنوا علية
ونفسهم يبقى معاهم الرقم
...................
عايز أقول ان تامر ابسط بكتير من ان حد يفتكرة انسان متفاخر
او مايحبش حد يكلمة او الكلام الفاضى دة
تامر للى ماقعدش معاة ما يعرفوش
تامر لما تقعد معاة من اول مرة تحس انك تعرفة من سنين
تامر شخصيتة بتتأقلم على كل الشخصيات
عشان كدة الكل بيحبة , وماحدش بيزعل منة
عقلة عقل واحد عندة 100 سنة
وخفة دمة مالهاش حل
حتى لما بيعمل لقاء او بيتصور
لازم يريح اللى حوالية
ويقولهم عايزين نهزر و نضحك فى وسط الكلام
تامر الملاك فى الطيبة والملامح
تامر المخلص لكل محبية و زى ما بيقول علينا (اخواتة)
كل اللى ما يعرفش صوت تامر فى التليفون
يقدر يسمع اغنية صوتك
هو دة صوت تامر فى التليفون والله
بس يا جماعة انتو عارفين
تامر مش نجم ولا ستار عادى
تامر 5 * 1
تامر فنان بمعنى الكلمة
(مغنى , ملحن , مؤلف , ممثل , كاتب افلام)
كل دة بيعملة لمين
مش لينا احنا ؟
عشان نبقى دايما مبسوطين ونلاقى حاجة جميلة نتجمع عليها
تامر والله فخور بينا
وبجد فرحان باللى عملناة دة
وعارف اننا منظومة متكاملة
رجالة وبنات
احنا شلة كبير اوى مسميين نفسنا التيمورية
يعنى من الأخر عشان ماطولش عليكو
كل اللى يحب يكلم تامر
يوجة رسالة لتامر
يصبح على تامر
يمسى على تامر
يطمن على تامر لو تامر وزع رقم تليفونة
هيكلم مين ولا مين
هيفرق بين تليفونات الشغل وتليفونات المعجبين ازاى
انا واثق انة مش هيعرف ينام اساسا
واحتمال الشركة تفصل الخط عشان عامل حمل زيادة ع الشبكة
فبدل كل المشاكل دى
كل اللى عايز يكلم تامر
يكلمة هنا
لوكلام عام يبقى فى موضوع
ولو خاص يبقى فى رسالة خاصة
واحنا مقدرين انك مشغول يا تامر
وبنحبك عشان كدة
عشان بتشتغل عشاننا
عشان دايما نشوف منك أجمل اغانى وأرق الحان
وكلمات عبقرية وتمثيل محترف و افلام لا يعلى عليها لو افترضنا ان رقم موبيل تامر 10 ارقام
نعتبر
اول رقم حب
تانى رقم وفاء
تالت رقم اخلاص
رابع رقم طيبة
خامس رقم تدين
سادس رقم جدعنة
سابع رقم قلب طيب
تامن رقم بساطة
تاسع رقم شهامة
عاشر رقم احترام
انا واثق اللى هيتصل على الرقم دة تامر اللى هيرد علية
واللى مش مصدقنى يجرب
13th يناير 2008, 15:44
